टीम सिटी टाइम्स लाखनी : रस्त्याने घरी जात असलेल्या एका वृद्धेला चारचाकी वाहनाने धडक दिली. यात 65 वर्षीय वृद्ध महिला गंभीर जखमी झाल्याने त्यांचा मृत्यू झाला.ही घटना (दि.16) ऑक्टोबर रोजी साकोली-लाखनी राष्ट्रीय महामार्ग (53) पिंपळगाव/सडक येथे घडली. शोभा गुलाब डोये वय (65) असे वृद्ध महिलेचे नाव आहे.
या घटनेतील मृतक वृद्ध महिला पिंपळगाव/सडक येथील राष्ट्रीय महामार्गाने आपल्या बाजूने घरी जात असतांना पांढऱ्या रंगाची चारचाकी वाहन चालकाने त्याच्या ताब्यातील चारचाकी वाहन भरधाव वेगाने व निष्काळजीपणे चालवीत वृद्धेला जोरदार धडक दिली.
या धडकेत वृद्धमहिला गंभीर जखमी झाल्याने त्यांचा मृत्यू झाला. या घटनेतील आरोपी चारचाकी वाहन चालक घटना स्थळावरून पसार झाला. याप्रकरणी संजय प्रभाकर तवाडे वय (42) रा. पिंपळगाव यांच्या फिर्यादीवरून लाखनी पोलिसांत गुन्हा दाखल करण्यात आला आहे. पुढील तपास पोलीस निरीक्षक हृदयनारायण यादव यांच्या मार्गदर्शनात सहायक पोलीस निरीक्षक सुनील सोनवने करीत आहेत.
