टीम सिटी टाइम्स साकोली | मोहघाटा जंगल शिवारात बुधवारी दि.८ नोव्हेंबर दुपारी ४:३० वाजेच्या सुमारास दोन ट्रकच्या धडकेत एक जण गंभीर जखमी झाला. यामुळे दुपारपासून महामार्गावरील वाहतुक प्रभावित झाली होती शंकरलाल खरोल (३८) रा. भिलवारा ( राजस्थान) असे जखमी व्यक्तीचे नाव आहे.
ट्रक क्र. जीजे १४ झेड २१७७ व दुसरा ट्रक क्र. आरजे २७ जीसी ३८४७ या दोघांची मोहघाटा येथील जंगल शिवारातील राष्ट्रीय महामार्गावर जोरदार धडक झाली. ट्रक क्रमांक २७ जीसी ३८४७ चा ड्रायव्हर शंकरलाल खरोल हा गंभीर जखमी झाल्याने त्याला भंडारा जिल्हा सामान्य रुग्णालयात उपचारासाठी भरती करण्यात आले आहे.
अपघाताची माहिती मिळताच साकोली पोलिसांनी घटनास्थळ गाठले. अपघाती ट्रक चालक कॅबिन मध्ये फसल्याने स्थानिकांच्या सहकार्याने फसलेल्या व्यक्तीस बाहेर काढून त्यास प्रथम उपचारासाठी पाठविण्यात आले. अपघातामुळे वाहतूक ठप्प झाली होती. त्या ट्रकास रस्त्याच्या कडेला करून. वाहतूक सुरळीत करण्यात आले.
