Ind vs SL Asia Cup Final 2023 | आशिया चषक स्पर्धेच्या अंतिम सामन्यात भारताने श्रीलंकेचा १० गडी राखून पराभव करत आठव्यांदा विजेतेपद पटकावले आहे.
नाणेफेक जिंकून प्रथम फलंदाजी करताना श्रीलंकेचा डाव १५.२ षटकांत ५० धावांवर आटोपला. मोहम्मद सिराजने सहा विकेट घेतल्या. प्रत्युत्तरात भारताने हा सामना
६.१ षटकांत म्हणजे अवघ्या ३७ चेंडूत जिंकला. शुभमन गिल १९ चेंडूत २७ धावा करून नाबाद राहिला आणि इशान किशन १८ चेंडूत २३ धावा करून नाबाद राहिला.
एकदिवसीय अंतिम फेरीतील चेंडूंच्या बाबतीत सर्वात मोठा विजय
भारताने एकदिवसीय फायनलमध्ये शिल्लक चेंडूंच्या बाबतीत सर्वात मोठा विजय मिळवला आहे. टीम इंडियाने आशिया कपच्या फायनलमध्ये २६३ चेंडू शिल्लक असताना सामना जिंकला.
यापूर्वी हा विक्रम ऑस्ट्रेलियाच्या नावावर होता. २००३ मध्ये सिडनी येथे झालेल्या तिरंगी मालिकेच्या अंतिम सामन्यात त्याने इंग्लंडविरुद्धचा सामना २२६ चेंडू राखून जिंकला होता.
Ind vs SL, Asia Cup Final 2023 | अंतिम फेरीत तिसऱ्यांदा १० गडी राखून विजय
एकदिवसीय सामन्यात चेंडू शिल्लक असताना हा भारताचा सर्वात मोठा विजय आहे. यापूर्वी टीम इंडियाने २००१ मध्ये ब्लोमफॉन्टेन
येथे केनियाविरुद्धचा सामना २३१ चेंडू शिल्लक असताना जिंकला होता. वनडे फायनलमध्ये संघाने १० गडी राखून सामना जिंकण्याची ही तिसरी वेळ आहे.
यापूर्वी टीम इंडियाने १९९८ मध्ये शारजाहमध्ये झिम्बाब्वेविरुद्ध चॅम्पियन्स ट्रॉफी जिंकली होती आणि २००३ मध्ये इंग्लंडविरुद्धच्या त्रिकोणी मालिकेच्या अंतिम सामन्यात ऑस्ट्रेलियाने १० गडी राखून विजय मिळवला होता.
