टीम सिटी टाइम्स लाखनी | साकोली विधानसभा क्षेत्राचा ढाण्या वाघ म्हणून ओळखले जाणारे माजी आमदार सेवकभाऊ वाघाये सन २०२४ च्या लोकसभा निवडणुकीत भंडारा- गोंदीया लोकसभा क्षेत्राचे अपक्ष उमेदवार म्हणून निवडणूक रिंगणात उभे आहेत. साकोली विधानसभा क्षेत्रात त्यांनी आपल्या कार्यकाळात अनेक जनहिताची कामे केली आहेत.
आजही त्यांचा प्रभाव जनमाणसांवरती आहे. दि. ११ एप्रिल २०२४ रोजी मराठी सिनेसृष्टीतील सुपरीचीत अभिनेत्री किशोरी शहाणे ही अपक्ष उमेदवार सेवकभाऊ वाघाये यांच्या निवडणूक प्रचारार्थ लाखनी येथे येत आहे.
तिच्या रोड शो ला लाखनी येथून सुरूवात होणार असून पोहरा , पालांदूर मार्गे पवनी तालुक्यातील किटाळी , अडयाळ , कोंढा , पवनी , आसगाव तसेच लांखादूर , अर्जूनी , नवेगाव बांध , सानगडी व साकोली येथे होणार आहे. तरी सर्व जनतेने सेवकभाऊच्या प्रचारार्थ माझ्या सोबत यावे असे आवाहन अभिनेत्री किशोरी शहाणे यांनी केले आहे.
